داسي اقتصادي او تجارتي پالیسۍ جوړوو د كومو څخه چې د زراعت او صنعت په څانګو كښې د پرمختګ او روزګار زياتې موقعې پېدا شي

کوئټه 24 دسمبر (اے پي پي) د خزانې وفاقي وزير اسد عمر وئيلي دي چې داسي اقتصادي او تجارتي پالیسۍ جوړوو د كومو څخه چې د زراعت او صنعت په څانګو كښې د پرمختګ او روزګار زياتې موقعې پېدا شي٬ بلوچستان كښې د كركيلي پرمختګ لپاره به وفاق او صوبائي حكومت په ګډه كار كوي۔ د دې خيالاتو څرګندونه ده د ګل په ورځ د بلوچستان چېمبرز آف کامرس عهدېدارو سره ملاقات او د تجارتي ستونزو د هواري تجويزونو په اړه غونډې ته خپلې وېنا كښې وكړه۔ په دې موقع د قامي اسمبلۍ دوهم سپيكر قاسم خان سوري، د بلوچستان چېمبر آف کامرس سرپرست اعلیٰ غلام فاروق او صدر جمعه خان پشمول نور عهدېدار هم موجود وو۔ د خزانې وزير ووئيل د ماليزيا پشمول د نړيوال طلب له مخې بلوچستان او ګرد هېواد كښې د زراعت، حلال فوډ او معدنیاتو پشمول بېلا بېلو څانګو كښې د سرمايه كارۍ ګنجائش موجود دے٬ د سي پېك راتلونكې پړاٶ صنعتونه جوړول دي٬ هڅه كوٶ چې په دې پړاٶ كښې د بېلا بېلو چېمبرو نمائندګي باوري كړې شي۔ ده ووئيل د بلوچستان د برآمد كوٶنكو ستونزو جاج اخستو سره د دې حل او د تجارتي پاليسو په جوړولو كښې د نجي څانګې مشاورت شامل ساتو۔ ده ووئيل هېواد څخه د غربت خاتمې لپاره به د بي آئي اېس پي پشمول نور كوټلې پروګرامونه معرفي كوٶ او د ځوانانو د صلاحيتونو څخه ګټه پورته كولو لپاره به دوي ته پرمختګ لپاره غېر معمولي موقعې وركوٶ۔ د خزانې وزير ووئيل چې په نړيوال تجارت كښې دوه مخې معيار ختمېدل پكار دي ٬ مونږ هڅه كوٶ چې د ايران پشمول د منطقې ټولو هېوادونو سره غوره تجارتي اړيكې جوړې كړو٬ مونږ د تجارتي اړيكو بهترۍ لپاره هند پلو د خېرسګالۍ لاس وړاندې كړې خو په زړه پورې ځواب ئې نه دې ترلاسه شوې۔ ده ووئيل هېواد كښې د تجارت ښه ماحول لپاره داسې نظام وضعه كول غواړو چې ورسره كاروباري طبقو ته د پېښو پېچېدګو خاتمې او دوي ته زياتې آسانۍ ترلاسه شي٬ ٬ د قاچاق خاتمې لپاره جامع منصوبه جوړوو چې ورسره به نه يوازې په جديد خطوطو د قاچاق خاتمه وشې بلكې امنيتي وضعه كښې به هم ځانګړې بهتري راشي٬ په پاك افغان پوله د ازغن تار لګېدو سره به د قاچاق خاتمه وشي۔ ده ووئيل د پاك ايران تجارت ودې لپاره مو په 30 ورځو كښې دننه د راپور جوړولو امر كړے۔ وفاقي وزير باور وركړو د بلوچستان سوداګرو او كاروباري طبقې ته د پېښو مسئلو هواري لپاره د قاسم سوري په توسط سره د

مضمون کا ماخذ : سپر اسپنر

متعلقہ مضامین