د هوابازۍ وفاقی وزیر غلام سرور خان خبرې كنفرنس ته وينا

APP19-28 ISLAMABAD: May 28 - Federal Minister for Aviation Ghulam Sarwar Khan addressing a press conference. APP photo by Irfan Mahmood

اسلام آباد 28 مئی (اے پی پی) د هوابازۍ وفاقی وزیر غلام سرور خان وئيلي دي په22 مئی 2020ء لاهور څخه كراچۍ ته تلونكې پرواز ته د لينډنګ په مهال د ورمخې ته شوې خفګانې پيښې پلټنې د پاك فضائیه سینئر افسر په مشرۍ كښې جوړ شوے بورډ كوي،د پيښې ابتدائی راپور به په 22 جون پارلمان او قام ته وړاندې كولې شي، د الوتكې پيښه كښې 99 مسافر او د كاك پټ عمله ناسته وه چې پكښې 97 شهیدان شوي او 2 په معجزاتی توګه محفوظ پاتې شوي د كومو حالت چې د خطر څخه بهر دے، 51 مړي د ډی این اے پېژندګلو نه پس وارثانو ته سپارلې شوي، د پاتې مړو پېژندګلي په آخري پړاؤ كښې ده كوم به چې دير وارثانو له وركړے شي، د تحقیقاتی راپور په رامخې ته كيدو به د ذمه وارو په ضد كارروائی كيږي او په دې كښې به چا سره هم رعایت اونه كړے شي ، د ابتدائی راپور تر رامخې ته كيدو دې میډیا په تكنیكی اړخونو د غیر ضروری تبصرو څخه ډډه وكړي۔ د دې خیالاتو څرګندونه ده د زيارت په ورځ په پریس انفارمیشن ډیپارټمنټ كښې خبرې كنفرنس په مهال وكړه۔ ده ووئيل دا پيښه د افسوس وړده او په دې ټول قام دړډيدلے دے۔ ده ووئيل د پيښې اطلاع ترلاسه كيدو سره په سمدستي توګه زه اسلام آباد ته رارسيدلې يم او اړوندو افسرانو سره مې د ویډیو لنك غونډه شوي او په سمدستي د وزیراعظم په منظورۍ سره د اعلیٰ پائې پلټنو له يو بورډ جوړ كړے شوے د كوم مشري چې د ایئر فورس افسر كوي دغسې پی آئی اے، سول ایوی ایشن اتھارټی او د اړوندو څانګو نمائندګانو پشمول د فرانس او المان 11 كسيزه ډله پكښې شامل ده۔ ده ووئيل وخت څخه وړاندې بې بنسټه اطلاعات كوم صداقت نه لري، په دويمه ورځ چې كله هلته لاړم نو ملبه هلته پرته وه او د المان او فرانس 11 كسيزه ډله چې كله پاكستان ته راغله نو بيا هم ملبه پرته وه او هغوي د پيښې د ځائې څارنه كوله۔ وفاقی وزیر ووئيل د پيښې د ځاے دورې كولو نه علاوه د شهيدانو كورنيو او د بچ شوو خوش قسمته مسافرو تپوس پوښتنه مو كړې او كومو ودانيو او املاك ته چې زيان رسيدلې د هغو ځپليو سره مو هم ملاقات كړے۔ده ووئېل د بيلو دورو نه علاوه رضاكار هم د پيښې ځائې ته رسيدلي او د مرستې په هلو ځلو كښې ئې برخه اخستې ۔ده ووئيل د ډی این اے شناخت نه پس زمونږ دا هڅه وه چې پاتې مړي هم خپلو وارثانو ته وركړے شي۔ د انسان كوم نعم البدل نه شي كيدې بيا هم به د حكومت اعلان له مخې وارثانو له معاوضه وركولې شي د كومې عمل چې روان دے۔ غلام سرور خان ووئيل پاكستان جوړيدو نه پس دا ډول 12 فضائی پيښې رامخې ته شوي ، 10 پيښې د پی آئی اے او دوه د نجي الوتكو رامخې ته شوي خو تر ننه د كومې هم پيښې په وخت راپور نه دې راغلې۔ ده ووئيل د هوا بازۍ وزير په حيث به زما دا هڅه وي چې د دې پيښې راپور په وخت وړاندې كړې شي۔ د پی آئی اے په 22 مئی رامخې ته شوې پيښې ابتدائی راپور به په 22 جون پارلمان او قام ته وړاندې كولې شي۔ دا يوه داسې پيښه ده چې پكښې به د چا د بچ كولو هڅه نه كېږي او نه به چا له ريليف وركولې شي۔ده ووئېل د سپيځلو پلټنو راپور به اولس ته په ډاګه كولې شي۔ د انشورنس كمپني د مسافرو خپلوانو له معاوضه وركوي دغسې په زمكه چې كوم املاك ته زيان رسيدلې د هوا بازۍ وزارت د اړخه به هم هغوي له معاوضه وركولې شي۔ د يوې پوښتنې په ځواب وفاقی وزیر ووئيل د پی آئی اے پائلټ هم زمونږ ورور ؤ خو پلټنو لپاره به ټولې تقاضې انكوائری بورډ تر سره كوي او هيڅ ډول مخ ملازه به نه كېږي ۔ده ووئېل زه د خپل اړخه او د وزیراعظم عمران خان د اړخه باور دركوم چې پلټنې به كيږي او سپيځلې به كيږي كوم هم راپور چې رامخې ته شو هغه به اولس ته ډاګه كولې شي او قام څخه به څه هم پټ اونه ساتلې شي ۔ د يوې بلې پوښتنې په ځواب وفاقې وزير ووئيل دا د سندھ حكومت عادت دے چې په هر څيز سياست كوي، 2010ء كښې هم يوه پيښه رامخې ته شوې وه د كومې راپور چې اولس ته نه دې په ډاګه شوے او څوكه هم د هغې ذمه وار نه دې ګرځولې شوي۔ ده ميډيا ته خواست وكړو چې په دې پيښه تبصرې كولو سره د ذمه وارۍ څرګندونه وكړي او د پيښې په تكنیكی اړخونو تر پلټنو غیر ضروری تبصرو څخه ډډه وكړي۔

مضمون کا ماخذ : گولڈ رش

متعلقہ مضامین