اشتہاراں دی منصفانہ ونڈ کوں یقینی بݨایا ویندا پئے ، پرنسپل انفارمیشن آفیسر ڈاکٹر طارق محمود خان

اسلام آباد۔1نومبر(اے پی پی) پرنسپل انفارمیشن آفیسر (پی آئی او) ڈاکٹر طارق محمود خان آکھیے جو اشتہاراں دی منصفانہ ونڈ یقینی بݨائی ویندی پئی اے ۔ پریس ریلیز موجب اے ڳالھ انہاں ٻدھ کوں منظور سلہری دی قیادت اچ ربجا (جاوید گروپ) نال ملاقات اچ آکھی اے ۔ وفد ڈاکٹر طارق محمود خان کوں پی آئی او دا عہدہ سنبھالݨ دی مبارخ ݙتی تے انہاں کوں اخباراں کوں پیش آندے ریٹ، ادائیگیاں دے انفراسٹرکچر اتے ٻل دے مسئلیں بارے ڈسائے ۔ ایں موقع تے پرنسپل انفارمیشن آفیسر وفد کوں یقین ݙیوائے جو اخباراں دے مسئلے ترجیحی بنیاداں تے حل کیتے ویسن ۔ انہاں مزید آکھیے موجودہ پیش آندے ملکی معاشی چیلنجز دے باوجود اخباراں دے بقایا جات کلیئر کرݨ دی منصوبہ بندی کریندے پیوں جݙاں جو اشتہاراں دی منصفانہ ونڈ یقینی بݨائی ویندی پئی اے ۔ وفد اچ حافظ محمد طاہر، عبدالعزیز بٹ، ملک زمرد اعوان، ذیشان قیوم، ذوالفقار علی اتے طارق خان شامل ہن۔

مضمون کا ماخذ : مردہ یا زندہ II

متعلقہ مضامین