گورنر راج دی کوئی لوڑھ اے نا کوئی ارادہ، تحریک انصاف اچ مائنس ون دی کوئی گنجائش کائنی، وزیر خارجہ شاہ محمود قریشی دی وفاقی وزرا نال پریس کانفرنس

اسلام آباد۔18مارچ(اے پی پی)وزیر خارجہ مخدوم شاہ محمود قریشی آکھیے جو ساکوں گورنر راج دی کوئی لوڑھ اے نا کوئی ارادہ، تحریک انصاف اچ مائنس ون دی کوئی گنجائش کائنی، عدم اعتماد دی تحریک دا مقابلہ کریسوں اتے انہاں کوں انشاء اللہ شکست ݙیسوں۔ اسلام آباد اچ وفاقی وزیر اطلاعات فواد حسین چوہدری اتے وفاقی وزیر برائے منصوبہ بندی اسد عمر نال پریس کانفرنس کریندے انہاں آکھیا جو وزیر اعظم عمران خان دی زیر صدارت پاکستان تحریک انصاف دی پولیٹیکل کمیٹی دے اجلاس اچ تحریک عدم اعتماد بارے صلاح مشورہ تھئے، اے فیصلہ کیتا ڳئے جو عدم اعتماد دی تحریک دا آئینی انداز اچ مقابلہ کریسوں، اساں جمہوری لوک ہیں، کوئی وی رکاوٹ یا تصادم دا رستہ نہ اپنیسوں، سعید غنی اتے بلاول پتر ایویں پریشان نہ تھیون۔ انہاں آکھیا جو ساکوںا تحادیاں تے بھروسہ اے، چوہدری صاحبان جذباتی نئیں سیاسی فیصلے کریندن جو ڄاݨدن کہ ن لیگ انہاں کوں کتنا برداشت کریندی اے، ٻئے پاسو پیپلزپارٹی دا ایم کیو ایم نال کیا ورتݨ اے ہر کوئی ڄاݨدے، امید اے او پیپلزپارٹی دا سلوک نہ بھلسن، ٻیا سندھ ہائوس اچ لکیے لوک وی سمڄھدن جو او بلے دے نشان تے جیتئن، او مخالف دی جھولی اچ ٻاھݨ دی بجائے سیاسی و قانونی فیصلہ کریسن۔

مضمون کا ماخذ : تھور میگا ویز کی طاقت

متعلقہ مضامین