اسلام آباد بلدیاتی انتخابات: الیکشن کمیشن دیاں انٹرا کورٹ اپیلاں سماعت کیتے مقرر

اسلام آباد۔2 جنوری(اے پی پی)اسلام آباد ہائی کورٹ وفاقی دارالحکومت اچ بلدیاتی انتخابات بارے فیصلے دے خلاف الیکشن کمیشن دیاں انٹرا کورٹ اپیلاں قابل سماعت قرار ݙے تے فریقین کوں نوٹس جاری کر ݙتن۔ اپیلاں دی سماعت چیف جسٹس عامر فاروق اتے جسٹس ثمن رفعت امتیاز دے 2 رکنی بینچ کیتی۔ اپیلاں اچ سنگل بینچ دا 31 دسمبر کوں اسلام آباد اچ بلدیاتی انتخابات کراوݨ دا فیصلہ چیلنج کیتا گیا ھا۔ عدالت فریقین توں 9 جنوری کوں ولدا منڳیے۔ عدالت اچ الیکشن کمیشن دے وکیل دلائل ݙیندے آکھیے جو عدالت دے فیصلے کوں سنگل بینچ نظر انداز کیتے اتے وجوہات کوں ݙٹھا ہی نئیں۔ ایڈیشنل اٹارنی جنرل وی اپݨٖے دلائل پیش کیتن۔ عدالت آکھیا جو ہک شئے تاں سنگل بینچ ٹھیک لکھی اے جیڑھی وجہ توں معاملہ الیکشن کمیشن کوں بھیجا گیا ہا او تاں انہاں ݙٹھا ہی نئیں، ڈرف اے ݙسائو جو 101 یونین کونسلز اچ الیکشن کرا سڳدے او یا نئیں؟ ایندے تے ڈی جی لا آکھیا توں حتمی ولدا ہدایت توں بعد ہی فے سڳدے ہیں۔ عدالت اپیلاں قابل سماعت قرار ݙیندے سنگل بینچ دا فیصلہ معطل کرݨ دی درخواست مسترد کرݙتی اتے فریقین پی ٹی آئی اتے جماعت اسلامی کوں ولدے کیتے نوٹسز ٻھیڄ ݙتن۔

مضمون کا ماخذ : گرم گرم

متعلقہ مضامین