اسلام آباد۔5اکتوبر(اے پی پی) نگراں وفاقی وزیر تجارت ڈاکٹر گوہر اعجاز آکھیے ساݙا وژن پنج سال اچ برآمدات کوں 100 بلین ڈالر تئیں ودھاوݨا اے ،قزاخستان نال تجارت اچ 1 بلین ڈالر دا ہدف مقرر کیتے ۔خمیس کوں اقتصادی تعاون اتے ݙو پاسے تجارت ودھاوݨ سانڳے نگراں وفاقی وزیر ڈاکٹر گوہر اعجاز جمہوریہ قزاخستان دے وزیر تجارت شکا??یف ارمان نال زوم میٹنگ کیتی۔ ورچوئل میٹنگ ݙوہیں ملکاں سانڳے ھک پلیٹ فار?? دے طور تے کم کیتے سانجھے طور تے فیدہ مند سانجھے داری دے موقع ڳولیے ونڄ سڳن تے معاشی تعاون ودھایا ونڄ سڳے۔ وزیر شکا??یف ارمان ڳالھ مہاڑ اچ قزاخستان اتے پاکستان وچال گھاٹی یاری تے تجارت دے ناقابل استعمال امکان کوں چاتے ۔ انہاں مختلف شعبیں اچ تعاون ودھاوݨ تے ݙوہیں ملکاں وچال تجارتی حجم ودھاوݨ دی لوڑھ تے زور ݙتا ۔ انہاں زرعی مصنوعات اچ تجارتی موقع ڳولݨ تے گوادر تے کراچی دی پاکستانی بندرگاہواں دے ذریعے ٹرانزٹ ٹریڈ اتے لاجسٹکس دے امکان ڳولݨ اچ خصوصی دلچسپی ݙکھائی ، جیں توں جنوبی ایشیائی منڈیاں تئیں رسائی کوں سوکھا بݨایا ڳئے ۔ پاکستان دے وزیر تجارت ڈاکٹر گوہر اعجاز ھک علاقائی پارٹنردے طور تے قازقستان دی نمایاں پیش رفت کوں منیندے ہوئیں نیڑے اقتصادی تعلقات سانڳے جوش و جذبے دا اظہار کیتے ۔ انہاں قازقستان دی ترقی دی تعریف کیتی اوندی جی ڈی پی 250 بلین ڈالر تئیں پڄ ڳئی اے تے بین الاقو??می تجارت 150 بلین ڈالر اے۔ڈاکٹر گوہر اعجاز آکھیے پاکستان دی بین الاقو??می تجارت 100 بلین ڈالر اے، جیں دی جی ڈی پی 350 بلین ڈالر اے، قزاخستان نال سانجھی تجارت محض 100 ملین ڈالر اے۔ ساݙا وژن پنج سال اچ برآمدات 100 بلین ڈالر تئیں ودھاوݨ اے ، تے اساں ایں سفر دا حصہ بݨݨ سانڳے قزاخستان دا خیرمقدم کریندوں ۔
