جنگ اچ پہل نہ کریسوں جیکر بھارت جنگ شروع کیتی تاں ایکوں اسان دہلی اچ ونج مکیسوں،ڈاکٹر فردوس عاشق اعوان

APP46-24 LAHORE: August 24 Special Assistant to Prime Minister on Information and Broadcasting Dr.Firdous Ashiq Awan talking to media at Governors House. APP

لاہور۔24 اگست(اے پی پی )وزیر اعظم دی معاون خصوصی برائے اطلاعات و نشریات ڈاکٹر فردوش عاشق اعوان آکھیے جو پاکستان کڈاھیں وی جنگ اچ پہل نہ کریسی جیکر بھارت جنگ پہلے شروع کیتی تاں ایکوں اساں دہلی اچ ونج آپ مکیسوں،وزیر اعظم عمران خان سفارتی محاذتے عالمی قیادت کوں مسلہ کشمیر دی روح سمجھا ڈتی اے،مقبوضہ کشمیر اچ مکروہ بھارتی مائنڈ سیٹ بے نقاب کریندے پئے ہیں،بھارت نال مذاکرات بارے وزیراعظم ہک خوددار قوم دا بیانہ پیش کیتے،کرتار پور راہداری سکھاں دا بنیادی حق اے جیندانومبراچ شیڈول دے مطابق افتتاح تھیسی،حکومت ملک اچ اصلاحات ایجنڈے نال تبدیلی گھدی آندی اے،پاکستان معاشی خود مختاری دو بلانگ بھر ڈتی اے۔اے گالھ وزیراعظم دی معاون خصوصی برائے اطلاعات و نشریات ڈاکٹر فردوش عاشق اعوان لہور اچ گورنر پنجاب چوہدری محمد سروردے رلے پریس کانفرنس کریندے آکھی۔ انہاں آکھیا جو پاکستان جنگ پہلے کرتے عالمی قوانین دی خلاف ورزی نہ کریسی،جیکر بھارت جنگ تھپی تاں پاکستان دا ہک ہک بال افواج پاکستان دے نال کھڑا تھی تے دہلی اچ جنگ ونج مکیسی اتے بھارت کوں سبق چکھیسی۔انہاںا ٓکھیے جو حکومت کشمیر کاز کوں سپورٹ کرنڑ کیتے فوکل گروپ بنڑائے جیہرا اپنڑیاں ترجیحات طے کرتے کشمیر کاز کوں اگو تے ودھیندا پئے، وزیر اعظم عمران خان عالمی برادری‘ بین الاقوامی تنظیماں‘ عالمی مبصرین کو ںمقبوضہ وادی اچ ہندوستان دے مائنڈ سیٹ دومتوجہ کریندے پین،پاکستان چاہندے جو بھارت کشمیر اچ انسانیت دا قتل عام بند کرے اتے مسئلہ کشمیردے حل کیتے اقوام متحدہ دی قرارداداں تے عمل کیتا ویسی،پوری پاکستانی قوم ہندوستان دی ریاستی دہشت گردی دا شکار مظلوم کشمیریاں نال یکجہتی کریندی پئی اے، پاکستانی صحافیاں اتے صحافتی تنظیماں دا مقبوضہ وادی دے صحافیاں نال لائن آف کنٹرول تے پج تے اظہار یکجہتی کرنڑ لائق تحسین اے۔انہاںا ٓکھیے جو وزیر اعظم آندے ہفتے قوم نال خطاب کریسن جڈاں جو قوم کشمیریاں نال یکجہتی دا ڈینہہ وی منیسی اتے اپنڑے کشمیری بھراواں کوں محبت دا سنیہا ڈتا ویسی، ساب تون وڈا صوبہ پنجاب کشمیر نال یکجہتی اتے کشمیر کازدی حمایت کیتے سیریز آف ایونٹس کریسی۔

مضمون کا ماخذ : بڑا برا بھیڑیا۔

متعلقہ مضامین