چیئرمین سینیٹ صادق سنجرانی نال تھائی سفیر دی ملاقات

اسلام آباد۔1جون(اے پی پی):چیئرمین سینیٹ محمد صادق سنجرانی آکھیے پاکستان اتے تھائی لینڈ وچال نیڑے تے خوشگوار تعلقات ہن جیڑھے جو کئی عشریں تے محیط ہن ، ݙوہیں ملکاں وچال عوامی اتے تجارتی سطح تے رابطیں کوں مزید ودھاوݨ دی لوڑھ اے ۔ سینیٹ سیکرٹریٹ توں جاری بیان موجب اے ڳالھ انہاں پاکستان اچ تھائی لینڈ دے سفیرچکرید کراچائیونگ نال ڳاھل مہاڑ کریندے ہوئیں آکھی اے جنہاں خمیس کوں انہاں دے نال ملاقات کیتی ۔ ملاقات اچ ݙوطرفہ تعلقات سودھے سانجھی دلچسپی دے امور تے ڳالھ مہاڑ کیتی ڳئی اے ، ایں موقع تے چیئرمین سینیٹ آکھیے پاکستان اتے تھائی لینڈ وچال نیڑے تے خوشگوار تعلقات ہن جیڑھے جو کئی عشریں تے محیط ہن۔پاکستان اچ محفوظ کیتی ڳئی یادگاراں ݙوہیں ملکاں وچال دیرتئیں تے مضبوط تعلقات کوں ودھارا ݙتے ۔ تھائی لینڈ اچ ہزاراں دی تعداد اچ رہݨ آلے پاکستانی ݙوہیں ملکاں وچال ھک پل دا کردار ادا کریندے پئن ۔ملاقات اچ ݙوہیں ملکاں وچال سرمایہ کاری،تعلیم، سائنس اینڈ ٹیکنالوجی اچ ݙو طرفہ تعلقات کوں مزید ودھارا ݙیوݨ دی لوڑھ تے زور ݙتا ڳئے ،پاکستان اتے تھائی لینڈ وچال سرمایہ کاری دے مشترکہ منصوبے شروع کرݨ دی لوڑھ تے زور ݙتا ڳئے ۔

مضمون کا ماخذ : ٹمپل ٹمبل

متعلقہ مضامین