شہید تھیوݨ آلے لیفٹیننٹ کرنل سید کاشف علی شہید ،کیپٹن محمد احمد بدر شہید دی نماز جنازہ چکلالہ گیریژن راولپنڈی اچ پڑھی ڳئی

راولپنڈی۔17مارچ (اے پی پی):شمالی وزیرستان دے ضلع میر علی اچ دہشت گردی دی لعنت دے خلاف مادر وطن دا دفاع کریندے ہوئیں شہید تھیوݨ آلے لیفٹیننٹ کرنل سید کاشف علی شہید (عمر: 39 سال، رہائشی کراچی) اتے کیپٹن محمد احمد بدر شہید (عمر: 23 سال، ضلع تلہ گنگ) دی نماز جنازہ چکلالہ گیریژن راولپنڈی اچ پڑھی ڳئی ۔ پاک فوج دے شعبہ تعلقات عامہ ( آئی ایس پی آر) توں جاری پریس ریلیز موجب صدر مملکت آصف علی زرداری، وزیر خارجہ، وزیر داخلہ، چیئرمین جوائنٹ چیفس آف سٹاف کمیٹی، چیف آف آرمی سٹاف، اعلیٰ حاضر سروس فوجی اتے سول افسران، شہدا دے لواحقین اتے اہل علاقہ نماز جنازہ اچ شرکت کیتی۔ ایں موقع تے صدر مملکت آصف علی زرداری آکھیے جو پاک فوج ایمان، اتحاد اتے نظم و ضبط دے نظریات کوں مسلسل برقرار رکھیے۔ انھاں پائیدار اصولاں دی رہنمائی اچ ، پاک فوج ہمیشہ دہشت گردی دے خلاف اپݨی انتھک جنگ اچ پیشہ ورانہ مہارت اتے وفاداری دے اعلیٰ معیارات قائم کرݨ دی کوشش کیتی اے ، انہاں آکھیے اے عظیم قربانی ساݙے بہادر پتراں دے غیرمتزلزل عزم دی ھک ٻئی شاندار شہادت دے طور تے کھڑی اے، جیڑھے اپݨے مادر وطن دے دفاع سانڳے قربانی ݙیوݨ توں کݙاہیں پچھی تے نی ہٹیے ۔ صدر مملکت آکھیے پوری قوم ساݙی مسلح افواج نال یکجہتی نال کھڑی اے ۔شہدا دیاں میتاں انھاں دے آبائی علاقیں اچ پڄا ݙتیاں ڳئن انہاں کوں پورے فوجی اعزاز نال سپرد خاک کیتا ویسی۔

مضمون کا ماخذ : میگا ملینز کی پیشن گوئی

متعلقہ مضامین