وزیراعظم عمران خان دی صدارت اچ ملک اچ کاروبار کوں سوکھا بنڑاونڑ سانگے پیشرفت دا جائزہ گھنڑ سانگے اجلاس

APP57-09 ISLAMABAD: January 09 - Prime Minister Imran Khan chairs meeting on "Ease of doing Business" at PM Office. APP

اسلام آباد ۔ 9 جنوری (اے پی پی) ملک اچ کاروبار اچ سوکھا بنڑاونڑ بارے وفاقی اتے صوبائی سطح تے خصوصی دفتر بنڑاونڑ دا فیصلہ تانجو ایں وچ آونڑ آلی رکاوٹاں کوں دور کیتا ونج سگے اتے سرمایہ کاراں کوں کاروبار سانگے سہولت ڈتی ونجے۔اے فیصلہ وزیراعظم عمران خان دی صدارت اچ ملک اچ کاروبار کوں سوکھا بنڑاونڑ سانگے پیشرفت دا جائزہ گھنڑ سانگے اجلاس اچ بدھ کوں وزیراعظم آفس اچ کیتا گیا جئیں اچ وزیر خزانہ اسد عمر، وزیراعظم دے مشیر برائے تجارت عبدالرزاق داﺅد، وزیراعظم دے مشیر عشرت حسین، سرمایہ کاری بورڈ دے چیئرمین ہارون شریف، وزیراعظم دے معاون خصوصی افتخار درانی اتے سینئر حکام شریک ہن ۔چیئرمین سرمایہ کاری بورڈ وزیراعظم کوں کاروبار سوکھا کرنڑ بارے مختلف اشاریاں تے پیشرفت بارے ڈسایا۔ٹیکس ادائیگیاں دی تعداد دے معاملے تے وزیراعظم کوں ڈسایا گیا جو ایں تعداد کوں 47توں گھٹ کر تے 21تے آند ا گئے ۔سندھ اتے پنجاب اچ سوشل سکیورٹی کنٹری بیوشن دی ای پیمنٹس متعارف کراونڑ سانگے کوششاں جاری ہن ،وی اے ٹی ریفنڈز دا نواں نظام31مار چ تئیں متعارف کرا ڈتا ویسی،پنجاب اچ ایس ای سی پی کوں صوبائی پورٹلز اتے ای او بی آئی نال مربوط بنڑاونڑ داکم پورا کر گھدا گئے۔بجلی دی فراہمی کوں سوکھا بنڑاونڑ بارے وزیراعظم کوں ڈسایا گیا جو بجلی دی فراہی بارے سہولت پیدا کرنڑ اتے ایں بارے معلومات دی ویلھے تے فراہمی بارے نشابر پیشرفت کیتی گئی اے۔ویب سائیٹ تے مطلوبہ دستاویزات دی دستیابی توں انج مکمل آن لائن درخواست دا نظام بنڑایا گئے اتے ٹیرف وغیرہ اچ تبدیلی بارے پیشگی اطلاع کوں یقینی بنڑایا ویندا پئے ۔اجلاس اچ فیصلہ کیتا گیا جو کاروبار کوں سوکھا کرنڑ سانگے باقاعدہ اجلاس وزیراعظم دی صدارت اچ تھیسی جئیں اچ وزراءاعلیٰ اتے صوبیاں دے چیف سیکرٹریز وی شریک تھیسن۔

مضمون کا ماخذ : loteria instantânea

متعلقہ مضامین